بزاف ديال الشباب عندهم أفكار مشاريع ناضية ولكن ديما "العائق المادي" كيكون هو السد اللي واقف قدامهم. هنا فين كيجيب الدور ديال المبادرة الوطنية للتنمية البشرية (INDH)، اللي تعتبرات ثورة في دعم المشاريع الصغرى في المغرب.
شحال من واحد فينا فكر يبدا مشروع 'محل تجاري'، 'تعاونية فلاحية'، أو حتى 'ستارت-أب' فالتكنولوجيا، ولكن ملي كيوصل للحساب كيقا راسو محتاج ماتيريال غالي وماعندوش رأس المال الكافي.
إيلا كنتي باغي تبدا وماعارفش منين دوز، هاد الدليل غايشرح ليك كاع الخطوات باش تستافد من تمويل INDH وتخرج فكرتك لأرض الواقع في سنة 2026.
👤 شكون هما الفئات اللي يقدروا يستافدوا؟
الدعم ماكيمشيش غير لجهة وحدة، بل كيشمل بزاف ديال الناس:
- الشباب المقاول: اللي السن ديالهم بين 18 و45 سنة وعندهم فكرة واضحة.
- الهيئات الجماعية: بحال التعاونيات المسجلة والجمعيات التنموية والمقاولات الصغرى.
- الفئات الهشة: دعم خاص للنساء (خاصة ربات البيوت)، الأشخاص ذوي الإعاقة، والعاطلين اللي عندهم مؤهلات.
⚠️ شرط أساسي للمساهمة:
المبادرة ماكاتعطيكش 100% من لفلوس. خاصك تكون قادر تساهم بـ 10% من تكلفة المشروع (إما كاش أو بمعدات عندك)، والباقي كتعاونك فيه INDH وقروض أخرى.
📄 الوثائق المطلوبة (توجيهات 2026)
خاصك توجد ملف فيه جوج أنواع ديال الوثائق:
- وثائق إدارية: طلب رسمي للعامل، تصريح بالشرف (بلي ماخدامش في الدولة)، والملف القانوني (إيلا كانت تعاونية أو شركة).
- وثائق تقنية: أهم حاجة هي دراسة الجدوى، وتقدير التكلفة (Devis)، وإثبات القدرة على مساهمة الـ 10%.
محتاج نماذج الطلبات؟
📄 تحميل وثائق إدارية ←💰 مبالغ التمويل المتوقعة
| نوع المستفيد | الحد الأقصى للتمويل |
|---|---|
| المقاولات الفردية (الشباب) | 100,000 درهم |
| الجمعيات والتعاونيات | 300,000 درهم |
🚀 خطوات تقديم الطلب
العملية كتم عبر هاد المراحل:
- إعداد الملف: جمع الوثائق ودراسة السوق ديالك مزيان.
- وضع الطلب: إما في مقر العمالة نيشان أو عبر "منصة الشباب" اللي قريبة لسكنك.
- المقابلة: غاتعيط ليك لجنة مختصة تدافع فيها على فكرة مشروعك.