رسمياً: زيادة في الحد الأدنى للأجور (SMIG) بالمغرب لسنة 2026 - كل ما يجب معرفته 
صادق مجلس الحكومة على مشروع المرسوم رقم 2.25.983، واللي كيقضي بتفعيل الشطر الثاني من زيادة الحد الأدنى للأجور في المغرب (SMIG و SMAG). هاد القرار جا كاستكمال لاتفاق 29 أبريل 2024 بين الحكومة والنقابات والـ CGEM.
في إطار تنزيل مخرجات الحوار الاجتماعي، دخلت الزيادة الثانية في الحد
الأدنى للأجور حيز التنفيذ برسم سنة 2026. هاد الزيادة ماشي غير أرقام، بل
هي التزام حكومي لدعم القدرة الشرائية للطبقة الشغيلة في مواجهة تحديات
التضخم وغلاء المعيشة. في هاد المقال، غدي نشرحو ليك بالتفصيل شحال غدي
تولي تشد، وكيفاش غدي تحسب الزيادة ديالك سواء كنتِ خدام في لوزين،
التجارة، أو الفلاحة.
📊 جدول الزيادة في SMIG و SMAG لعام 2026
| النوع | أجرة 2025 | أجرة 2026 الجديد | تاريخ التطبيق |
|---|---|---|---|
| SMIG (الصناعة والتجارة) | 17,10 درهم/ساعة | 17,92 درهم/ساعة | فاتح يناير 2026 |
| SMAG (الفلاحة) | 93 درهم/يوم | 97,44 درهم/يوم | فاتح أبريل 2026 |
💰 شحال غتولي تشد في الشهر (الصالير بريت)؟
من الناحية العملية، هاد الزيادة غتبان نيشان في الورقة ديال الصالير (Bulletin de paie):
- بالنسبة لـ SMIG: اللي خدام 191 ساعة في الشهر، الصالير بريت (Brut) غيفوت 3400 درهم. الزيادة الشهرية غتكون تقريبا 156 درهم (زيادة ديال 5%).
- الصافي (Net): مع الإعفاء من الضريبة على الدخل (IR) اللي وصل حتى لـ 6000 درهم، الأجير غيستافد من زيادة حقيقية في جيبو مابين 120 و 150 درهم شهرياً.
⚠️ تنبيه للمقاولات والشركات
هاد الزيادة هي إجبارية بمجرد نشر المرسوم في الجريدة الرسمية. مفتشية الشغل والـ CNSS غيديروا مراقبة صارمة، وأي شركة ما طبقاتش هاد الزيادة غتعرض لغرامات مالية وتعويضات رجعية للأجراء.
💡 خلاصة سريعة:
الزيادة فـ SMIG بدات من 1 يناير 2026، والزيادة فـ SMAG غتبدا فـ 1 أبريل 2026. هاد الخطوة الهدف منها هو دعم القدرة الشرائية للمغاربة ومواجهة غلاء المعيشة.
شارك هاد المقال مع صحابك باش حتى هما يعرفو حقهم فـ "السميك" الجديد!