شحال كيتخلصوا البوليس فـ المغرب؟ بزاف كيسولوا على رواتب الأمن الوطني حسب الرتب. فهاد المقال على جديد الوظيفة، غانعطيوكم الأرقام التقريبية لـ أجور الأمن الوطني 2026 والتعويضات اللي كيتزادوا.
جدول رواتب الأمن الوطني حسب الرتب (تقديري)
الرواتب فـ DGSN كتختلف حسب الرتبة، السلم، والمنطقة فين خدام (مثلاً اللي خدام فـ المناطق الحدودية كيتزادوا ليه تعويضات أكثر):
| الرتبة | الراتب الصافي (بداية المسار) | السلم الإداري |
|---|---|---|
| حارس أمن (Gardien de la paix) | 5300 - 5500 درهم | السلم 5 |
| مفتش شرطة (Inspecteur) | 5800 - 6100 درهم | السلم 6 |
| ضابط شرطة / أمن (Officier) | 6800 - 7200 درهم | السلم 8 |
| عميد شرطة (Commissaire) | 9200 - 9800 درهم | السلم 10 |
| عميد ممتاز (Commissaire Principal) | 12000+ درهم | السلم 11 |
التعويضات والامتيازات الإضافية
الصالير اللي كتشوف الفوق كيتزادوا عليه بزاف ديال البريمات (Primes) على حسب المهمة:
- تعويضات السكن: الموظفين اللي ما ساكنينش فـ سكن الدولة كيتزادهم تعويض شهري.
- تعويضات الأخطار: كاع البوليس كياخدوا بريم على الأخطار اللي كيواجهوها يومياً.
- التعويض عن التنقل: إيلا كنتي خدام فـ فرقة متنقلة (بحال الـ BRI أو الـ GMM).
- التغطية الصحية: الاستفادة من التغطية الصحية والخدمات الاجتماعية لمؤسسة محمد السادس للأعمال الاجتماعية لموظفي الأمن.
معلومة مهمة: هاد الأرقام هي لبداية الخدمة، ومع الأقدمية والترقية فـ الرتب والدرجات، الصالير كيبدا يطلع بشكل ملحوظ كل بضع سنوات.
الترقي في صفوف الأمن الوطني
الترقية فـ DGSN كتعتمد على الأقدمية فـ الإدارة، النقط السنوية، ولا عن طريق مباريات داخلية إيلا خديتي شي ديبلوم جديد (بحال إيلا كنتي حارس أمن وخديتي الإجازة، تقدر تدفع لمباراة العمداء الداخلية).