الأساتذة الجدد والطلبة اللي مقبلين على مباريات التعليم كيسولوا: "شحال غانشد فـ الصالير فاش نتخرج؟". اليوم على جديد الوظيفة، غانعطيكم الصافي (Le Net) اللي كيدخل للحساب البنكي ديال الأستاذ فـ 2026، من بعد ما تطبقات الزيادة كاملة.
أجور الأساتذة فالمغرب 2026 (التعليم الابتدائي والإعدادي والثانوي)
دابا كاع الأساتذة ولاو كيتخرجوا فـ السلم 10. ها شحال ولا الصالير كيبدا تقريباً من بعد الزيادة ديال 1500 درهم (صافية):
| الدرجة / السلم | الراتب الصافي التقريبي (بداية المسار) |
|---|---|
| أستاذ السلم 10 (الدرجة 2) | 6700 - 7100 درهم |
| أستاذ السلم 11 (الدرجة 1) | 9400 - 10500 درهم |
| خارج السلم (الدرجة الممتازة) | 14000+ درهم |
شنو زادوا للأساتذة؟ (Mise à jour)
باش نكونوا واضحين، الزيادة ديال 1500 درهم تقسمات على جوج مراحل:
- الشطر الأول (750 درهم): تزادت فـ يناير 2024.
- الشطر الثاني (750 درهم): تزادت فـ يناير 2025.
- النتيجة فـ 2026: كاع الأساتذة دبا راه واصلهم الصالير كامل بالزيادة ديالو.
التعويضات الإضافية فـ قطاع التعليم
الأساتذة كيتوصلوا ببريمات أخرى على حساب الحالة والمنطقة:
- التعويض عن الأعباء: كيتزاد كل شهر حسب الدرجة.
- التعويض عن التصحيح: تعويضات سنوية على تصحيح أوراق الامتحانات الإشهادية.
- مناطق النائية: الأساتذة اللي خدامين فـ مناطق بعيدة كياخدوا تعويض سنوي (Prime de zone).
- الأبناء والزوجة: المنح العائلية العادية بحال كاع الموظفين.
ملاحظة من "جديد الوظيفة": هاد الأرقام كتقدر تختلف شوية على حساب الاقتطاعات ديال التقاعد (CMR) والتغطية الصحية (CNOPS) اللي كتكون عند كل واحد، ولكن هاد الأرقام هي اللي كاينة فـ الواقع دبا.
كيفاش تولي أستاذ فـ 2026؟
باش تدخل لهاد "الصالير"، خاصك تدوز مباراة التعليم (أطر الأكاديميات سابقاً). الشروط هي الإجازة، السن ما يفوتش 30 سنة (إلا إيلا كان شي تغيير)، وتدوز الكتابي والشفوي بنجاح.